Fræðsluefni morgunfundar
Greinakynning á þriðjudögum
Á morgunfundum svæfinga- og gjörgæslulækna á þriðjudögum er jafnan greinakynning.
Sérnámslæknir kynnir þar áhugaverða grein og verða oft fjörugar umræður í kjölfarið.
Umsjónarlæknir í hvoru húsi fyrir sig skiptir greinarkynningarfundum á milli sérnámslækna.
Tilfellaumræða á fimmtudögum
Á fimmtudögum halda sérnámslæknar stutta tilfellafundi þar sem fjallað verður um afmarkað efni sem hugsanlega tengjast spennandi tilfellum eða aðstæðum sem sérnámslæknar hafa lent í og tengjast klínískri vinnu.
Við skipulagning þessara funda, munu sérnámslæknar nýta sér gagnabankann „Anaesthesia Tutorial of the Week“ á vegum World Fedaration of Societies of Anaesthesia (WFSA).
https://resources.wfsahq.org/anaesthesia-tutorial-of-the-week/
Umsjónarlæknir í hvoru húsi fyrir sig skiptir tilfellafundum á milli sérnámslækna.
Föstudagsfundur
Á föstudögum höldum við lengri morgunfundi, sem eru hugsaðir sem formleg fræðsla fyrir sérfræðinga og sérnámslækna, en eru einnig notaðir til að fara yfir praktísk mál er tengjast rekstri deildarinnar.
Á þessum fundum er oft farið náið í ákveðin mál, fjallað um gæðaverkefni og/eða nýjungar og niðurstöður rannsókna af stærri vísindaþingum kynntar.
Martin Ingi Sigurðsson prófessor hefur séð um dagskrá og skipulagningu þessara funda.
Efni með fræðslu og greinum tengt ofannefndum morgunfundum er birt eftir heimtum í fréttaveitu síðunnar og er hægt að nálgast með því að velja viðeigandi flokk í rennunni til hægri í fréttaflipanum – Fræðsluefni morgunfunda.
Við óskum góðfúslega eftir að höfundar kynninga sendi okkur efni til birtingar svo sérfræðingar og sérfræðilæknar beggja deilda geti notið góðs af. Það má gera með því að senda tölvupóst á [email protected]
Nýjustu færslur
Hér að neðan koma tíu nýjustu færslur í þessum flokk. Til að sjá allar færslurnar er best að smella á þennan tengil!
- Lungnastarfsemi í interscalene blokki samanborið við supraclavicular blokkGuðný Helga kynnti 25. apríl grein sem birtist í BMC Anesthesiology og fjallar um lungnastarfsemi sjúklinga sem fá interscalene blokk annarsvegar og þeirra sem fá supraclavicular blokk hinsvegar. Það þarf að skrá sig inn til að sjá þessa færslu (eða gera nýskráningu)!
- Hydrocortisone við alvarlegri samfélagslungnabólguValdimar Bersi kynnti eftirfarandi grein þann 23. Mars, en hún birtist í NEJM 21. Mars og bendir til gagnsemi hydrocortisone (200mg/slhr gefið í sídreypi) við alvarlegri samfélagslungnabólgu á gjörgæslu. Það þarf að skrá sig inn til að sjá þessa færslu (eða gera nýskráningu)!
- Tengsl ABO blóðflokka og verkja eftir aðgerð hjá börnum í hálskirtlatökuGuðný Helga kynnti eftirfarandi grein í fossvogi þann 14. Mars. Það þarf að skrá sig inn til að sjá þessa færslu (eða gera nýskráningu)!
- Áhrif High-Flow súrefnis á sjúkrahúslegu barna með bráða öndunarbilun24. janúar kynnti Bjarni Rúnar grein sem birtist í JAMA á árinu. Rannsóknin kannaði hvort snemmbúin notkun High-flow súrefnis hjá börnum með bráða öndunarbilun gæti stytt sjúkrahúslegu þeirra. Það þarf að skrá sig inn til að sjá þessa færslu (eða gera nýskráningu)!
- Árangur blóðbóta eftir óvænta utanbastsgötun hjá fæðandi konum9. febrúar kynnti Guðný Helga grein sem birtist í BJA þar sem skoðaðir voru þættir sem tengdust misheppnuðum blóðbótum hjá konum sem höfðu fengið óvænta utanbastsgötun við uppsetningu epidural leggs í fæðingu. Það þarf að skrá sig inn til að sjá þessa færslu (eða gera nýskráningu)!
- Tranexamsýra í öðrum aðgerðum en hjartaskurðaðgerðum31. Janúar fjallaði Valdimar um grein sem birtist í NEJM í Maí 2022 þar sem sýnt var fram á að tranexamsýra dregur umtalsvert úr hættu á blæðingum og þörf á blóðgjöf fyrir sjúklinga með hættu á blæðingu eða hjarta- og æðakvilla sem fara í aðgerðir aðrar en hjartaskurðaðgerðir. Ekki tókst að sýna fram á noninferiority …
Lesa áfram „Tranexamsýra í öðrum aðgerðum en hjartaskurðaðgerðum“
- Vökva- og pressoragjöf í kviðarholsaðgerðum og bráður nýrnaskaðiDóra Sigurbjörg kynnti grein þann 12. janúar sem birtist í BJA. Greinin fjallar um breytinguna sem hefur orðið síðustur ár úr frekar frjálslegri vökvagjöf í aðgerðum þar sem allt að 5L eru gefnir á aðgerðardegi að miklu strangari vökvatakmörkunum sem nú eru meira áberandi og hafa vasopressorar þá meira áberandi hlutverk í að viðhalda hemodynamik. …
Lesa áfram „Vökva- og pressoragjöf í kviðarholsaðgerðum og bráður nýrnaskaði“
- Áhrif High-Flow súrefnis á spítalalegu barna með hypoxiska öndunarbilun24. Janúar s.l. fjallaði Bjarni Rúnar um grein sem birtist í JAMA og fjallaði um notkun high-flow súrefnis hjá börnum með hypoxiska öndunarbilun og áhrif þess á lengd sjúkrahúslegu miðað við hefðbundna súrefnismeðferð. Það þarf að skrá sig inn til að sjá þessa færslu (eða gera nýskráningu)!
- Stuðtækni við þrálátu sleglatifi í utanspítala hjartastoppiValdimar kynnti þann 8. desember grein sem birtist í New England Journal of Medicine í lok nóvember. Greinin fjallaði um meðhöndlun á þrálátu sleglatifi í utanspítala hjartastoppum. Það þarf að skrá sig inn til að sjá þessa færslu (eða gera nýskráningu)!
- Mekanískir fylgikvillar miðbláæðaleggja á tímum ómstýringarGuðný Helga kynnti þann 6. desember grein sem birtist nýlega í BJA um tíðni mekanískra fylgikvilla við ísetningu miðbláæðaleggja nú þegar ómstýrð ástunga er orðin normið. Það þarf að skrá sig inn til að sjá þessa færslu (eða gera nýskráningu)!