Year: 2021

Sæl öll!

Nú styttist í fyrsta vinnudag fjölda nýrra sérnámslækna og afleysingalækna á svæfinga- og gjörgæsludeild. Með þessum pósti fylgir uppfærður listi yfir dagskrá fyrstu dagana fyrir nýja sérnámslækna, roterandi sérnámslækna frá bráðamóttöku og afleysandi almenna lækna.

Þá vil ég minna nýja sérnámslækna á að skoða vel þessa heimasíðu en hér er að finna yfirlit yfir skipulag sérnámsins og er ekki seinna að vænn að byrja að glöggva sig á fyrirkomulaginu og hvað þarf að leggja áherslur á fyrstu vikurnar í starfi. Nýir SNL í svæfingu eiga einnig að vera komin með aðgang að Lifelong learning; e-portfolio. Gerið leit í spam og öðrum pósthólfum ef þið finnið ekki póst frá þeim í fljótu bragði, hafið annars samband við mig sem fyrst. Inni á síðunni eru hlekkir á myndbönd með kennslu á eportfolio.

Dagskráin fyrstu vikurnar er þá eftirfarandi:

• 23. ágúst: mæting kl 7:30 á morgunfund í Kennslustofu 13C Hringbraut (Signý Rut, Margrét Arna og Arnar Snær) þaðan sem þið verðið leidd um nýjan vinnustað ykkar! Mótttökumiðstöð nýrra starfsmanna hefur boðað ykkur til ýmissa praktískra mála á mismunandi tímum þennan dag.
• 24. ágúst: heill dagur í sameiginlega fræðslu fyrir alla nýja sérnámslækna Landspítala, auglýsing send frá skrifstofustjóra sérnáms. Athugið að þarna er skyldumæting en ef þið byrjið mun seinna eða hafið áður farið í fræðslu þá á þessi dagsetning mögulega ekki við um ykkur.
• 25. ágúst: heill dagur á skurðstofu
• 26. ágúst: heill dagur á skurðstofu (ath breytt frá fyrra plani)
• 27. ágúst: skurðstofa fyrir hádegi. Hermikennsla í ísetningu CVK kl 11:30-12:30 í hermisetri í Skaftahlíð (inn af matsal) í umsjón Perlu Steinsdóttur SNL, mikilvægt fyrir nýja sérnámslækna að mæta! Sameiginlegur fundur allra sérnámslækna í svæfinga- og gjörgæslulækningum í Skála 5 Fossvogi kl 13-14:15. Athugið að áður auglýst skemmtun um kvöldið fyrir alla nýja sérnámslækna LSH hefur því miður verið felld niður.
• 30. ágúst: Freyr Anton bætist í hópinn og mætir sinn fyrsta dag á morgunfund á Hringbraut og Bjarni Rúnar mætir sinn fyrsta dag í Fossvog
• 1. sept: bjóðum velkomna tvo roterandi sérnámslækna frá bráðamóttöku, þá Olav Emil Myklebust (Hringbraut 6 mán) og Brynjar W Jochumsson (Fossvogur 6 mán). Þá flyst Selma Dögg á Hringbraut í 6 mánuði og Hallfríður í Fossvog í 12 mánuði
• 2. sept: dagurinn byrjar á skurðstofu en svo verður fræðsla fyrir alla nýja lækna kl 9-13 í Skála 5, Fossvogi. Förum yfir uppsetningu sérnáms, e-portfolio, ýmis tölvukerfi og skipulag starfa sérnámslækna
• Einar Logi og Hugrún byrja síðar í haust og eftir áramót

Þetta er langur póstur en vonandi gagnlegur! Hafið samband ef frekari upplýsingar vantar, annars sjáumst við í næstu og þarnæstu viku! Föstudagsfræðsluskema haustsins er í smíðum og verður vonandi birt í næstu viku.

Bestu kveðjur,
Gunnar